ԲԱՐԻ ԳԱԼՈՒՍՏ
Ողջունում ենք Ձեր այցը «Վան» հասարակական կազմակերպության կայքէջ։
Մեր կազմակերպության խնդիր է՝ տարբեր լեզուներով հրապարակել առավել արդիական, նախկինում չհրապարակված, հայոց ողբերգական էջերը լուսաբանող նյութեր։ Դրանք առաջին հերթին կվերաբերվեն 1915–1923 թթ. օսմանյան Թուրքիայում իրականացված հայոց ցեղասպանությունը բացահայտող իրողություններին։
Մեր կազմակերպության նպատակն է գրքերի, ձեռագրերի, արխիվային նյութերի, հետազոտությունների, փաստագրական վկայությունների, լուսանկարների, փաստավավերագրական ֆիլմերի հրապարակման միջոցով համաշխարհային հանրությանը իրազեկել հայության նկատմամբ օսմանյան Թուրքիայի և Ադրբեջանի ցեղասպան քաղաքականության էությունը։
Օգտագործելով հրապարակված նյութերը նպաստել միջազգային դատարանների կողմից ճանաչելու, դատապարտելու 20–րդ դարի ծանրագույն ոճրագործությունը, 1915–1923թթ. իրականացված հայոց ցեղասպանությունը՝ կայացնելով համապատասխան հատուցման որոշումներ։
Մեր առաջին իրականացված ծրագիրը
«Հայոց ցեղասպանությունը օսմանյան Թուրքիայում. վերապրածների վկայություններ» (եռահատոր)
Եռահատորյակում անժխտելի փաստերի հիման վրա բացահայտված են օսմանյան իշխանությունների կողմից 1915 թ. Արևմտյան հայաստանում՝ Վանի, Բիթլիսի, Էրզրումի, Խարբերդի, Դիարբեքիրի, Սեբաստիայի, Տրապիզոնի նահանգներում, ինչպես նաև Պարսկահայքի հայ բնակչության ոչնչացմանն ուղղված ծրագրերը և իրականացրած գործողությունները, կազմակերպիչների և իրականացնողների անունները, հայ բնակչության կրած կորուստները, ներկայացված են հայության ինքնապաշտպանական կռիվները, փրկված բնակչության գաղթը Անդրկովկաս, ճանապարհին նրանց տված զոհերը։
Եռահատորյակում ներկայացված նյութերն են
- Կազմողների կողմից -
- Իրավաբանական գնահատականը -
- Առաջաբան-